الله يرحمها دعواتكم لها بالرحمة:(

السلام عليكم

اكتب لكم وانا خائفة من عدم اكمال هذه المشاهد التي تخص جميع الناس في الايمان بمشيئة الله والايمان بالقدر خيره وشره وان كل ما كتب علينا سوف نراه


&
&
&
&


[size=16]من اول ما دخلت الروضة كان يملكني خووف مو طبيعي ولو اقولكم هالمشاهد اللي صارت معاي ما راح تصدقون
اول معرفتي كانت شلة صبيان((عبود وسلوم الاسود وحمود بو صماخ وعزوز العقيدي وخلود الدلوع وجسوم حلاوة)) تخيلوا انا البنوتة الوحيدة اللي معاهم لا وكنت القائدة بعد فا كنا معروفين بالروضة والكل يخاف منا ولما اغيب الكل يرتاح من خططي ومشاريعي واللي يصير اهناك
يوم من الايام كلمتني بنووتة مثلي تبي تدخل شلتنا اول شي عارضت <<<خفت تاخذ مني الرئاسة
لوووول
المهم هالنبووتة ينقالها مريوم البقيشي
صارت رفيجتي بالروضة تخرجنا من الروضة
دخلنا الابتدائي والله طول الاربع سنين يحطونا مع بعض بنفس الصف
وكنا مشاغبات والكل يعرفنا ومره تهاوشنا مع وحده من مدرسة ثانية لانها عيبت على ابلتنا وطقيناها و منعونا عقبها من أي رحلة تسويها المدرسة تخرجنا من الابتدائي ورحنا متوسطة
بس هالمرة انا صف واهيا بصف ثاني بس طبعا بين الخمس دقايق والفرص لوووول ونتفق بالساعه الفلانية انا اطلع من صفي واهيا تطلع من صفها ونشوف بعض عزكم الله بالحمام والا يعني بنشرب مااااي وانجكينا مره وانزفينا



فا صاروا يحرمونا نطلع أي مكان
حتى اذكر مره كانت تبي تسولف معاي فا مرتني الصف قالت حق ابلتي عندنا مشهد وابلة الفنية تبي ....
ضروري
وطلعت ورحنا قعدنا عند ابلة الفنية.... كنا مضبطينا هالابلة هبلة كانت
مع الوقت صج دخلنا تمثيلية مع هالابلة ((حق الجامعة )) كشخة
وفزنا اول مركز بسبب جرأتنا لوووول
تخرجنا مع بعض من المتوسطة
الحين عاد كبرنا بس خبال
وصلنا الثانوية
اتفقنا ما نسوي شي ونكسب حب الابلات وثقتهم فينا تمينا اسبوعين جذي الكل حبنا وجذي من هالسوالف
بس ملينا واحنا جذي هاديين
خربناها ردينا على خبالنا لوووول
وحده منحاشة من الصف وكتبنالها ورقة دخوول الصف وما انجكت وعدت السالفة على خير
مريووم باقت ارواق دخول وخروج متى ماتبي تدخل تدخل ومتى ماتبي تطلع امر الصف اطلعها
تقريبا سوينا هالشي 6 مراااات
بعدين ملينا دروسنا صارت وااااااايد احنا مطوفين وااااااااايد اشياء وامتحانات فهدينا اللعب اشوي
مريووم مره انفصلت بس كانت اداوم لووول عادي ومحد يدري انها مفصولة
كانت مزورة ورقة لوووول وانجكت مسكينة
عاااد الحين طلعت موضة البويات
واكثروا عندنا البويات وماخلينا بوية ما رافجناها وضبطنا وااااايد بويات حق باجي الشلة
يعني الثانوية كاااانت كلها تبي تتعرف علينا انا و مريوووم
وكنا نتغلى والكل يمر صوبنا يسألنا منو فرووح ... ومنو مريوم البقيشي
سوينا مشاكل مع بويات ومع بنات مع الكل ما خلينا شلة ما فرقناهم لووول
وصلنا رابعة ثانوي صرنا انا معاها نفس الصف واخيرا 5 سنين مو مع بعض
اخر سنه مع بعض
هيااااااااااااااااااا

اهني عاد صج صج خربناها
ما انييب طلبات المدرسة
اغيب تعبانة اهياااا بعد تغيب
كنا مشتركين سلة لوووول رفيجاتي مدرسة ثااانية نباريهم انا ومريوم نقولهم خطتنا وتخترب وتحترق لوووول وكانوا يفوزون
مره اهما يقولون خطتهم ومره احنااااا
وخذينا جم بطولة بفضل الله وبفضلي انا ومريوووم
وطبعا اخباااال الصف والضغط اللي يصير على الابلات
تم طردنا من الصف انا و مريوووم من ابلتنا الله ياخذها العربي
ورحنا حق الوكيلة وتسامحنا منها
والوكيلة ما زفتنا لانها اهيا اللي بتخسر
المهم صارت اخر السنة
واهيااااا صف وانا صف ما كنا نمتحن مع بعض
لانه اسامينا بعيييده عن بعض
بس والله وصلت لي مرحلة
اذا انا طلعت اهيا تطلع ولما اهيا تطلع انا اطلع كنا نطر بعض
طلعت نتيجتي ونتيجتها
كنا نفس الشي
بس الاختلاف باللي ورا البوووينت
سجلت بالتخصص اللي تبيه وجذي
وكملنا الـــ 18 سنه
طلعت ليسن واهيااا بعد بس انا ما شريت سيارة اهياااا اهلها شرولها
مره كنت انا متضايقة من موضوع
خلصت محاظراتها وانا كان عندي امتحان
واستاذها كان معتذر فا قررت ترد البيت
والله
قبل لا توصل البيت
واهيا رايحه سيارتها دزتلي مسج:
.... مو تنسيني
و انا بتم احبج وماراح اوخر عنج الا اذا الله خذا امانتي



الدنيا ما تسوى ولاتفكرين بشي ولا ياخذج التفكير عني وعن صحتج وعن وناستنا
ومابي اشوفج باجر جذي يالخايسة والله دموعج تسوى حيااااتي بلييييييز
ما اشوفج متضايق باجر عشاني اذا صج تغليني يلا الحين وصلت السيارة بسوق
وبنتبه كووز ادري شنو بتقوليلي حافظة الوصية
يلا يماااا بااااي


هالمسج كان الساعه 4 العصر بتاريخ 19/11
الساعه 7 وشي ادق عليها ماترد ياربي وينها قمت احاتيها لان مستحييييل ما تكلمني 3 ساعات
الساعه 8 وشي
يدق تلفوني والا اوضاح رفيجتنا





اوضاح : ..... باجر العزا فبيت مريوم وماكو غيرنا راح يوقف مع امها لانج عارفة غلاتج عندها
انا: لحظة لحظة أي عزا واي خرابيط واوا شالسالفة شنووومنو
اوضاح تبجي : ... مريووم م ماا تت ماتت مريووم مااااتت
وتسكر التلفون


انا عقب ما سكر التلفون ما ادري عن نفسي ما حسيت بنفسي الا وانا بالمستشفى طلعت على طول رحت بيتهم تحضني امها حييييييييل وتشم فيني تقولي فيج من ريحتها ومن هالسوالف
وانا بحالة يرثى لها
ما بجيت ولا صارخت كنت بحالة صدمة
والله لي درجة عطوني ابرة مهدأ قبل لا اروح
راح مفعولها وبديت استوعب شنو يعني مريوم ماتت
قعدت عند امها 3 ايام على ما يخلص العزا
خلص العزا
برد البيت خلاص عند الباب
والا امها عطتني جم شغلة من اغراضها
حياااااااتي طلعت خاشة كل كلامنا من الابتدائي ليما تخرجنا اللي كنا نكتبه على الكتب
والهدايا اللي هديتها اياه بالمناسبات وصورنا وخبالنا وجم شغلة معاهم
مرت سنه وانا بين فتره وفتره ارووح حق امهاااا
ازورهااا ومتواصلة معاها
واللي سمعته عن وفاتها
انها توفت بحادث داعمتها امريكية
بس هالامريكية سافرت بطيارة خاصة لانها زوجة دبلوماسي وسكروا القضية
ما سووا شي الحكومة
رفيجتي توأم روحي ماتت وصارت تحت التراب واللي ذبحتها حضرتها مستمتعه بأجواء ديرتها

هذه النهاية خسرت اغلى صديقاتي
خسرت صداقة عمرها 14 سنه بسبب طيش



كتبت هذه المشاهد كي اعبر عن جانب من حياتي حزين لكن في نفس الوقت جعلني اقوى من الاول ترك فيني احساس بعدم الخوف من المستقبل وان اواجهه وانا سعيدة مع اصدقاء ربما بعد دقيقة لن اراهم طول حياتي او لن يروني بعدها
وانا والله ان هذه المشاهد من حياتي واقعية



لذا قررت ان انزل هذا الموضوع ليكون منبر لكل حدث محزن مر في حياتكم ترك جرح او استفاد لن تنسوها في حياتكم واردتم الافصاح عنه لنا ولم اضع هذا الموضوع للغم او الحزن بل ليكون كل حزن او حدث هو عبرة لكل متصفح لهذا الموضوع ونتعلم من احزاننا لنستطيع العيش في سعادة
وقررت ان ابدء من نفسي وشكيت حزني لكم
واتمنى منكم ان كل من يملك مثلي جانبا في حياته ويشعر انه فيه افادة مو شرط يكون حزين المهم يكون موقف له أثر بحياته
فلا يتررد في طرحه في هذا الموضوع

mabyooog

ثانكيو على القصه الحلوه وما قصرتي والله يعطيج الف عافيه يا عسل

il.3afoo o alla y3afiikom o thnx 3l.mroor